ردت اكتب قصيده وبيه اوصفك كون
وردت من القصيده اتسولف بكونك
كضيت القلم وعليه اوصف بيك
وكتله اكتب احبك مو يحبونك
مو راحه القلم تدري شطلع مكتوب
ما كاتب احبك كاتب عيونك
يلـ خلكك قصيده ولو مشيت الكاع
توكف والقوافي لطولك يركعن
كلش موطبيعي كلشي بيك اعجاز
حتى احروف جرك عندك يرفعن
شفاف ورقيق واترف من الماي
ومن تحجي الدرر من حلكك يطلعن
عندك كلشي عندك عندي ماموجود
ومنك ماكو منك لو ردت طبعن
مثلك ماكو مثله حتى الاوصاف البيه
من دون الخلك بس عندك انجمعن
بس عندك اذان مسددات بطين
من كتلك احبك ما جن ايسمعن
الحور اوصاف بيك اعتقد من طين
وثكل بايع عليه شكثر من طين
تخبل وانته اصلك عود من طين
اذامن تين جا شتسوي بيه
وصار شكد عليك انشد وكولن وين ؟
اوين تجيب وين وبالكلب حسره
لا ميت واكولن مات حتى انساه
ولا غايب وكول ايعود وانتظره
وينك موخلص ثلثين عمري وياك
بس انخه الحسين وشابك الحضره شايف من تجي ولو بيك اسمع جاي اول ماتجيني اذبحلك البصرة
ولتكلي انتظر راس الشهروتعود وي راس البقى وما شاب من شهره
اذا بالعيد امس بيه انته ما مريت يمته تمر عليه بفرحة الزهره ؟؟