مملـــــ الـجبــوري ــــــكة


مملــــ عشـاق حبـايبـنـــــــــا ـــكة
 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 مل مني القلم ومن القلم مليت

اذهب الى الأسفل 
كاتب الموضوعرسالة
????
زائر
avatar


مُساهمةموضوع: مل مني القلم ومن القلم مليت   الأحد يوليو 12, 2009 4:14 pm

السلام عليكم
شلونكم شباب & بنات
هذا شعر قريته وعجبني كلش كلش يحكي عن الضرووف اللي مرينه بيهن
واتمنه تعجبكم

مل مني القلم ومن القلم ملي

عمت عينه قلمنه ألما نفع شِعره



تعب حته الشِعر ويه العراقيين

وصار بحال أهلنه وبالعراق أدره





رسمت حروف العراق برسم فنان

وجمعت اربيل والانبار والبصرة





وگلت لازم حروفي توحد الخوّان

مامعقولة هيچ تصير فد مره







ورديت ولگيت دموع ع الوجنات

حروف الي رسمتهه اليوم متطشره



كردستان تحچي بزودهه وتگول

احنه العاصمة وبغــداد متأخرة





والانبار شالت سيف عالخوان

لو لي هالحكم لوفلّش الاسره





والبصرة تگول احنه نريد إقليم

ومن نفط العراق الكُم فقط عُشره





وشفت للفتنه والله العراقيين

دون حروف جر يا ناس منجرّه





مذبوحة المحبة وناس تكره ناس

سويه الي يحب والقابض الجمره





حته الورد ما يرضه بعد بالماي

من دمنه تريد الورده والشجره





رقم جبنه قياسي بالقتل والموت

وصرنه اول شعب نص اهله متهجره





نهر دجله يـا ناس من الجثث غرگان

خلي نمد ادينه لدجـــــــــله وانجرّه





على جثثنه ادور هالفضـــــــــــائيات

ياهو الي يصــــور ياخذ الاجــــــره





معصوبه العـــــيون مچتفه الايدين

وانواع الرصاص يچوب بـــــصدره





لا اهله اجوي وچــــــــفّنوا بچـــفان

مجــــهوله الـــهويه ومن درة بأمره





اذا امّه الــــحنونه الصايمه برمضان

ما اكــــلت اكلهه وبقت تـــــــنتضره





تنــــــتضره يرد وتريد تحــجي وياه

اثاري العيـــــــــد لازم ينگطع مهره





لان باعت ذهبهه بشارع الصياغ

حته تزوج ابنهه ألما فرح عمره





ما نامت بقت سهرانه كل الليل

أيا ليل العراق ألما بزغ فجره





وما جاهه صبر طلعت تدور عليه

مثل طلعة حمامه بعينهه العبره





وما شافت ابنهه وجاهه ملك الموت

تعرف شنهي يعني تموت بالحسره؟؟





معناها الفرح صاير مثل رجال

شايل ورده بيده وخنجر بضهره





معناها عراقك كاتل ومكتول

سوده گلوبهم وعقول مفتره





وكل هذاويگلي احنه العراقيين

سنه وشيعه عشنه الحلوه والمره !!





لا والله چذب احنه العراقيين

سنه وشيعه مثل الضره عالضره





ملينه الچذب وليمته وليادوب

واقع حال لازم نخضع لامره





ملينه الچذب وليمته وليا دوب

قصايدنه اجت للناس متأخرة





نعم خوان احنـــــــــــــــــــــه

نعم خوّان احنه وياك آني بهاي


بس مو من بعد تفجير سامرّه






بعد تفجير سامرّه العراقيين

مثل فلم الرعب ودمايته الحمره





مو فتنه صحيح الصايره ابّغداد

سونامي الفتن بغداد منتشره





قتل مو عالهويه هواي متوهمين

صارت عالاسم گص راسه ويشمره





واليگلي تبالغ انته حيل بهاي

جبت حجه ودليل وياي هالمرّة





اتحده بكر واتحده ابو الخطاب

افن واحد البيهُم يوصلالثوره





واتحده على واتحده هم حسين

اذا فلوجه طبهه ومنكسر ضهره





صـــــــــفر كل النتايج للعراقيين

بس بالفتنه جابوا عشره منعشره





هذا يگول سني ناصبي اغتالوه

وهذا يگول شيعي رافضي نكفره





ضلّوا بهالسوالف يا خزي ويا عار

واسرائيل علگت نارههالــــــكبره





يول وين الــــــــشرف گدامكم بغداد

شــــــگّوا ثوبهه واخذوهه متأسره





غتصبوهه الكُفر ... ما تسمعوهه تصيح

آنه ام الـــــــــــشرف واليوم مو عذره





بعد والله ما يــــــــــــــنفعنه قيل وقال

لان كـــلشي انتهه وانكــــسرت الجرّه





مرحوم الـــــــعراق استشهد من سنين

يا وسفه صفـــت أشلائه مـــــتنثره





متنـــثره بمزابل يمـــهه كوم چلاب

اكلت من لــــــحومه وما درت سرّه





صــــير وياي بس هالمره اترجاك

عيب من الــــــــــــعراق اليوم نتبرّه





صعبه بمزبله جثة الــــــــعراق تصير

خلي نشــــــــــيله منهه وندفنه بگبره
الرجوع الى أعلى الصفحة اذهب الى الأسفل
جبوري الواوي وافتخر
المشرفون
المشرفون
avatar

ذكر
عدد الرسائل : 191
العمر : 27
تاريخ التسجيل : 18/04/2009

عضو متميز
عضو متميز: 2
عضو نشيط:
3/3  (3/3)

مُساهمةموضوع: رد: مل مني القلم ومن القلم مليت   الإثنين يوليو 13, 2009 12:42 am

يسلموووووووووووووو عيوني على الكلام روعه وربي تقبلي مروري[i]

_________________
********عراااااااااااااااااااااااااااقي بااااااااااااااااااااااااااابلي********


الرجوع الى أعلى الصفحة اذهب الى الأسفل
http://iraqibuzzard.yoo7.com
????
زائر
avatar


مُساهمةموضوع: رد: مل مني القلم ومن القلم مليت   الثلاثاء يوليو 14, 2009 1:21 pm

يسلموووووو ع التواجد


والتوقيع يخبل كلشششششششششششش حلووووووووووو
الرجوع الى أعلى الصفحة اذهب الى الأسفل
 
مل مني القلم ومن القلم مليت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملـــــ الـجبــوري ــــــكة :: منتديات الجبوري الادبيه :: منتدى الشعر الشعبي-
انتقل الى: