مملـــــ الـجبــوري ــــــكة


مملــــ عشـاق حبـايبـنـــــــــا ـــكة
 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 أبيات من الشعر الدرامي العراقي بوجه خاص

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الجبوري
المديرون
المديرون
avatar

ذكر
عدد الرسائل : 1432
العمر : 77
تاريخ التسجيل : 30/11/2008

عضو متميز
عضو متميز: 2
عضو نشيط:
3/3  (3/3)

مُساهمةموضوع: أبيات من الشعر الدرامي العراقي بوجه خاص   السبت ديسمبر 13, 2008 11:30 pm

هاك استكانة جاي أشرب عوافــي
أو دزيته لك مخصوص يامايه صافي



رش الدرب تيــزاب حافي أعتـني لـك
جا شـلي بالرجليـن الما تجي لــــك



لو ترش مو تيــزاب لو تزرع ألغــام
اللحم خلـه إيروح أوصلـــك إعظـام



كل ما يجي الليل أذكر وفــــاكم
واذكر محاشي الطيب وابجي أبرهاكم



ويا النجم سهران وايدي أعلى خــدي
الليل أوظلام الليل شو كلها ضـــدي




وحدي ابنص الليل بس حيرتي أوياي
أبجي أعلى وقت الراح واتنطر الجاي




إشما تقول الناس عندي أنته لول
سو كلشي بالدلال يالحلو مخـول




يالتون تالي الليل سمعني حسك
لولا القلت والقال لعبر وونسك



شحجي وتريد الناس من عندي أحجـي
دمعتي إبطرف العين بس أحجي أبجـي



للخوه ماقضيت شي ماقضيته
حتى الصخر ياناس وتوسديته



انت العطش والماي وانت المشوفـه
ورسمش وحق عيناش بالكاس اشوفه


أرد انشدك وارجوك صارحني ياهواي
تذكرني لوغصيت من تشرب المــاي


نارك يخايب ماي مومثل نـــاري
اومن يطري بيا الشوق يحترق جاري


هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون



بالك تقول الاه ياخويا بـــالك
كل التقوله ايصير روحي ابدالك


مبخوت أضل للشيب يافلان أذكـرك
أوينكرني نور العين من كون أنكرك


سبحانه من سـواك نص وجهك إعيــون
إزغيــر سبيــت الناس من تكبر شلون



بيدي أوقرضها الفار فجت عباتي
كل هذا ماطخيت وامشي ابرهاتي


أتمنى كون أيصير لحدي أويا لحدك
أو من يطلع الدفان أقعد وقعـــدك


بيدك ضيعت ديك الليـــالي
وبلحظه ما أجى أبعينك دلالي


شقيت ثوبي أعليك وصلته للنــص
جاوين قلبك أوياي صاير مثل جص

لاتهتم على الراح وي همك الراح
والعالي مو بالطول بالصبر ينلاح


اشمالك يبعد الروح لونك تغــير
عندي خوات أهواي طب أوتخير


يسألني البطران حالك إشلونــه
الغاضب الله إعليه هم ينشدوونـه


جاشلي بالخوان والماينفعـــــون
عود أمن اموت أيجون ويا اليشيعون


عبالي طيب زاد واعطيتك اعيون
تالي توج النار ويا اليكرهـــون


هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك



هـاك أبرتك. .و الخيـط خويــه إمش عنــي
لو بـيـــه أشل إجروح .. جان أ


الدنيا بس أوياي صارت حريصـه
أو من سلة المكتوم تطلع لي شيصه


همي الليالي اتعود واتعاتب أوياك
احجايه للشمات خلاني فرقــاك


سـلـم ولَو بالعين تكفي الإشــــاره
روحي إبتلت بهواك .. سـويلي جـاره



أرد اسأل العراف واهل القوافـي
ليش الحجاب إيلوق للوجه صافي



شفت الضوه إمن إبعـيد كًًلت إحتركًًنه
لمـن وصلت البيت لن ولفي عدنــه



شمـاتي مو شـمات شمـاتي شمات
بالكًًبر ويسألـون حي بعده لو مـات



شمـاتي مو شمـات شمــاتي إخـوتي
حتى أمي يا هالناس تدعي إعله موتـي



شماتي موشمات شماتي خوتـي
حته امي ياهل ناس تتمنه موتي


شماتي موشمات شماتي اشرار
بالكبر ويقولون ياربي بالنـار


شماتي موشمات شماتي ورطــه
نصهم امن واجرام والباقي شرطه


شمـاتي مو شمـات شماتي تسعه
والعاشر إزغيرون يأشر باصبعـه



حطيتك بسرداب وفوقه متر صـب
اصبح الواشي وياك من ياكتر طب


وينه اليخَيـطْ العين ويفكني منهـــا
كل ما تصد للدار يكثر حزنــــها



لو غبت عني الروح احسبها شده
واحرق ابدمع العين حتى المخده


بالك تمر بالدار عنها أشمر ابعــيد
دار العزيز اهواي نوح أوبجي اتريد


عمده ارد امر بالدار والنوح ازيده
واسمع صداها يقول راح التريده


عمده ارد امر بالدار واشبع مغمه
والمعتني الطيبات لوطاح شيهمه


غصبن عليها الروح جابتني اشوفك
كفر عليها للوم بلجن تعوفــــك


ظلمى اوذرب عاثور لليلة شتى أوعت
روحي اشتهت ملقاه عتتني لك عــت


أهلا وسهلا بيــك وكثــر بالوياك
الكَلب قبل العين فز وتلـكَـــــاك


اقدر اسكت الناس وامك واخوتك
قلي شيسكت اهواك لودره ابموتك


ياعازة الخوان عازتها عــازه
والماوراها صياح وحشه الجنازه


اخوكم الجبوري
الرجوع الى أعلى الصفحة اذهب الى الأسفل
http://iraqibuzzard.yoo7.com
دلوعة بغدادية



انثى
عدد الرسائل : 25
تاريخ التسجيل : 05/12/2008

مُساهمةموضوع: رد: أبيات من الشعر الدرامي العراقي بوجه خاص   الأحد ديسمبر 14, 2008 7:46 am

تسلم خيووووووووو
الرجوع الى أعلى الصفحة اذهب الى الأسفل
الجبوري
المديرون
المديرون
avatar

ذكر
عدد الرسائل : 1432
العمر : 77
تاريخ التسجيل : 30/11/2008

عضو متميز
عضو متميز: 2
عضو نشيط:
3/3  (3/3)

مُساهمةموضوع: رد: أبيات من الشعر الدرامي العراقي بوجه خاص   الجمعة يناير 30, 2009 12:35 pm

الرجوع الى أعلى الصفحة اذهب الى الأسفل
http://iraqibuzzard.yoo7.com
 
أبيات من الشعر الدرامي العراقي بوجه خاص
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملـــــ الـجبــوري ــــــكة :: منتديات الجبوري الادبيه :: منتدى الشعر الدرامي-
انتقل الى: