[color=red]مجموعة من الدارميات الرائعة[/color]

يـــــم گلبك بشريان تلگاني مـــوجـود
ولو إهجرك بفد يوم بس تنبض أنعود

يالعايش بأرض الغرب ماترجع بيوم
ذوبني ياخويه الصبر خلاني ماگوم

من همت من فرگاك محد رحمني
منتظرك بيايوم ترجع تشمني

دايخ وريد اهواي منهو اليجيبه
والگلب ضل اينوح رايد حبيبه

هدّت عليه الگوم وبوحدي ظليت
لامن اخو الانخاه وبناري وجيت

تاهت عليك الروح تركض بالدروب
ولا عدهه عين اتشوف تصرخ يمحبوب

بالك تخون الناس تجرح گلبهم
هامت يخوي الروح وگليبي عدهم

مومنك أنته الصوچ من عندي أنه
أمنت الگلب والروح شبعن مهانه

هج التحبه وراح مبعد عالاحباب
وانته السبب يا صاح تعرف بالاسباب

بالك تون بصوت خليهه سكته
بيك الذنب والصوچ أنته الخذلته

هانت يبعد اجلاي هانت حبيبي
تگدر تجيني ابليل تصبح طبيبي

يهده الجرح ويطيب من آنه أشوفك
لتظن يبعد الروح فد يوم اعوفك

يا رايح لديرة هلي خذ مهجتي وياك
انحفرت خدودي من الدمع ياولفي من فركاك

كون العمر وياك يگضي بسلامة
ماحب الحزن يهواي دزلي أبتسامة


ارجو ان تعجبكم

تحياتي
&ابن العراق&