????
زائر
 |  موضوع: خـــذنـــي يـــــمـــكـ .........!!  الخميس يناير 29, 2009 6:59 am | |
| خذني يمك ,, بعد ماضل كل عذر ,, لاتعتذر ,,
ليل عمري وعمرك ,, مخلص ,, بعد مابي صبر ,,
خل نلــم احلامنه ونحفظ صورهن ,,
كبل لاياخذهن بدربه الفجر ,,
خل نلم الباقيات ,, اسنيني وسنينك ,, نسويهن عمر ,,
وهنه ميكفن عمر ,,
ونبدي من جده وجديد ,,
بواهس سنين الزغر ,, ولو وازانه الكبر ,,
خلي تمشي ايامنه بخطوة العاقل ,,
من عثر مرة ورجع يمشي حذر ,,
خل نعيش الحب ستر ,,
خل نضم ارواحنه,, ابيناتنه ,, ويه اسرارنه ,, ولانشتهر ,,
وافتخر بيه ويه روحك ,,
وانه وي روحي أظل بيك افتخر ,,
وخل نسوي العشرة ورقه ,,
ونصنع من الدمعه والضحكة حبر ,,
حتى كل لحظة التمر بالجاي ,, نكتبهه شعر
خل نكول الماضي غلطه ,,
وذنب يسجل ذنب ,, من ينذكر ,,
حبني ,, وأجبرني اعله حبك ,,
الروح ماتعشك ,, لون ماتنجبر ,,
السيف ماينهاب ,, لوماكو الطبر ,,
حبني لضل تعتذر .. خل نغط بالماي ,, مو صرنا جمر ,,
وبلكي نصحه من السكر ,,
وبلكت المار كبل هسه يمر ,,
وبلكت جناح العشك ,, لبعيد ياخذنه ويفر ,,
ونترك الممنوع والميصير وانمر على الخصر ,,
ومحد يكلي انت بايك ,, من ابوسن كاع روحك كل شبر ,,
واعترف ,, راح اعترفلك ,, واحنه شو نفس الأمر ,,
اثنينه انبعنه بسعر جوه السعر,,
اثنينه انبكنه حدر شمس الظهر ,,
اثنينه السجين تانتنه نذر ,,
اثنينه اتوهمنه بالحب ننتصر ,,
اثنينه نعاني الغدر ,,
واعترف ,, راح اعترفلك ,, جان كلبي شكد جسر ,,
وبيدي جتفته الجسر ,,
وانه وزيت الحمامة اعله النسر ,,
واسمع السر الخطر ,,
صنم سويته بّدي ,, وادري ماينفع يضر ,,
وحاطه كبالي عجيبه الشوك من عنده انتظر ,,
انته مثلي بهل الأمر ,,
صنم سويته بديك شتنتظر ..!!
خل نهدم اصنامنه وكافي كفر ,,
وبلكي نهده ونستقر ,,
وبلكت وياك ,, وانه وياك استمر ,,
وبلكي نهده ونستقر ,,
خذنــــي يمك ,,كبل لايخلص صبرنه ,,
ويطفه دم اوجوهنه ,, وتطلع صفر ,,
خذنــــي يمك ,, كبل لا ينحك ذهبه اطباعنه ,, وتطلع صفر ,,
خذنــــي يمك ,, كبل لا رمضان يفطر ,,
ويفكر العالم ,, مثل جية صفر ,,
حطني يمك ,, كبل لاينحط ,, صفر يم الصفر ,,
حطني يمك ,, كبل ,, لا يم الصفر ينحط صفر ,,
تحياتي |
|
لحظة وداع
عدد الرسائل : 265
تاريخ التسجيل : 23/12/2008
| | موضوع: رد: خـــذنـــي يـــــمـــكـ .........!! الخميس يناير 29, 2009 11:43 pm | |
| خذنــــي يمك ,,كبل لايخلص صبرنه ,,
ويطفه دم اوجوهنه ,, وتطلع صفر ,,
خذنــــي يمك ,, كبل لا ينحك ذهبه اطباعنه ,, وتطلع صفر ,, على هذا الشعر | |
|
