شيكول العراقي من تجي الوطنية

هله وميت هله بجيتج يالوطنيه

نورتي الدنيا كلهه يا أحلى هديه

اركض للجنج اوفر احول وانه فرحان والابتسامه على الاهل مو طبيعيه

اشتغلت الثلاجه واجهزة التبريد وخطارنه نشنش على بخيخ الديوانيه

واستقر نظام البيت وقلة افكاره ونكلب من حر البرد حالته الجويه

والهوسه راحت وبدت مرحله جديده وسكتت ونامت الاطفال من سوده عليه

اجتي بتلاثه يعني بلسته تطفى والله بيهه نومه معدله وعراقيه

حطيت راسي علمخده وتمددت بطولي ونومتي مخربطه وعشوائيه

يمكن ساعه اقل مدري اكثر اخخخخخ شوهاي انطفت الوطنيه

الحكومه علست علينه ساعتين وصار سنين محد مات بلصعقه الكهربائيه

جا وينه نفطنه ارجعت السالفتي القديمه وين احزابنه وبرامجهم الانتخابيه

وشبعنه جذب وهمبله وكلاوات انتخبوني اسويلكم العراق مزهريه

تهنه وتاهت وضاعت علينه نلتفت للكهرباء لو نتاني المصالحه الوطنيه