ابد ماشفت بخلاقك وعدلك
واريد اكتب اعله روحي وعد لك
حالف الا اموتنك وعدلك
ودفنك يمي حتى اصير اليه
كلبي من الحزن دمع وند ماي
وبيكم مانفع وني وندماي
اذا عينك تهل دمعه انه دماي
نزل من عيني طاح ابين اديه
همومي كبال شماتي لوني
ولا مرة يحن كلبك لوني
كون بعشرتك قاسي لواني
ابد ميصير والله الصار بيه
لون تنسون حبكم منس حبنة
وباقين أعله حبنة منسحبنة
مثل أمبير حبك منسحبنة
ألف أمبير حبك صار بية
حزن دنياي تمطر ماصحتلي
وردت بس فرصه اشوفك ماصحتلي
وكفت اكبال عينك ماصحتلي
وصحتلك مادرت وجهك عليه
الك هل دمع عيني والك صب
والك ساس بوسط روحي والك صب
سهم حبك دخل كلبي والك صاب
دليلي وصار طشاره بديه
خطيتي اهـــواي ياروحي وجنــتي
ومــن دمع الندم ذبلـت وجنــتي
شجاني عفـــت فــردوسي وجنــتي
وانخدعـــت بــكشر تفاحه رديـه
لكل عشاق الابوذيه مع تحياتي لكم
***********************
كلتلك رد حبيبي وكلت مارد@
واحس حجيك بنص احشاي مارد@
صرتلك حتى بالفانوس مارد@
كمت كالساع تتامر عليه
***********************