السلام عليكم شلونكم زوينين
هذا رد الموضوع اختنا ميمي
ام سعدون الملقبه ( اخر رجال الساموراي )
ام سعدون اكبر راس بالملشيات النسائيه العراقيه وعنيفه جدا تفظل
القتل عن طريق شفط مصارين الضحيه وعملها جلفراي بالليمون
ولدت ام سعدون واسمها الحقيقه انعيمه في الناصريه وهي من غنى
عليها بلبل الناصريه حسين نعمه اغنيه انعيمه يا انعيمه
ولدت انعيمه وكانت فتاة بريئه جميله صوتها كروان ولكن حين تزوجت من ابن عمها
امحيسن الجلب تعرضت الى صدمه عنيفه جعلتها تتحول الى طاغيه اكتشفت انه امحيسن
يخونها مع نيكول كيدمن فقررت الانتقام من كل رجل وسوت مليشيات وقامت بتجنيد نساوين
من مختلف انحاء العراق وشعارها (( بنات هذا الوكت عدسات وصبغ بويه بنات هذا الوكت
موبايل ومنتدى وجات بويه بويه شلون بيه ))
اعضاء المليشيه
ام حنوش الملقبه (القارضه ) من الرمادي
اسلوبها بالقتل عنيف جدا تقوم بتقيد رجل ويد الضحيه ثم وضع كلينس
في زروف خشمه بحيث مايتنفس وتقوم يتعليقه بالمقلوب على المروحه
وتفتح المروحه على الخمسه لمده اسبوعين وراه تنزل الضحيه وتكله
خو مو دايخ اخويه تنطيه حبوب مال دوخه وبعدين ترجع اتعلكه بالمروحه
وتفتحها على الخمسه لمده اسبوعين وراه تنزله تكله حاصل ضرب
1458 في 54578 يساوي شكد والناتج طلع منه الجذر التربيعي
وسويله تكامل وبعدين الناتج طلع منه الوغارتم والنتيجه تريدها خلال
خمس ثواني اذا ماعرف تقتله عن طريق كرض اذاناته ثم خشمه
ثم الرقبه مالته تنزل على البطن الصره ماتكرضها فقط تبلعها وتنزل
الى ان تصل الى جعب رجله تكله شبعت اتضم جعب الرجل بالمجمده
تتريك بيها ثاني يوم الصبح
ام رزوقي الملقبه ( تريرمنيتر . الفاني ) من الديوانيه
تعتبر من اكثر النساء اجرام لا ترحم الضحيه حتى لو يصير خطيبها اسلوبها بالقتل
التعذيب الى ان يموت الضحيه تقوم بنزع ملابس الرجل
الي بدون ردن تنزعه ثم تجيب كيس كبير مال كونيه وتحطه بيه وتجيب بزونه عتوي شرس
وتخليه وياه بالكيس وتشد الكيس وتكوم بظرب العتوي فيكوم العتوي يرافس ويخرمش
وتقرة علة الضحية صورت الفاتحة
ام كريم الهتلي الملقبه ( ديتول ابو السيف ) من الموصل
هاي اختصاص قتل جماعي ماتشتغل على ضحيه او ضحيتين اذا مو عشرين وفوك
ماتطلع للشغل ولهذا سموها ديتول تقظي على جميع الحشرات وهي تقظي على عشرين
وفوك تقتل باستخدام الروليت الروسي تقسم العشرين الى عشره عشره وتنطي الى احد
العشره مسدس ابو البكره وتخلي طلقه وحده وتفر البكره وتكله مره الك ومره اله وتشوف
من يصفى من العشرين راح يبقى عشره وراها تقسمهم الى خمسه خمسه ونفس الشغله
يبقى خمسه تقسمهم الى اثنين اثنين يبقى واحد هذا تخليه على ليله الخميس تكتله
وتعلن مليشيات ام سعدون على توفر وضائف شاغله للبنات الراغبات
بالانظمام الى هذه لمليشيات النسائيه من بنات منتدى عراق ماستر بالشروط التاليه
1. ترزل بالاعظاء وتهدد
2. عدها القدره على اكل كبد الضحيه بدون صمون
2.تفظل من المتزوجات اخاف فد يوم ماكو ضحيه تستلم زوجها الاقربون اولى بالمعروف
4. ناصبه على الاعضاء الولد بالمنتدى وتكلهم ماعندي مايك ولا كامره
5. جنسيتها اوربيه او كنديه او امريكيه لانه نشاط ام سعدون راح يتوسع في انحاء العالم
6. تفظل ان تكون طائفيه جدا لانه الشغل هسه بالعراق كله على الهويه
موضوع: الميليشيات النسائية تحشيشة روعة 
الجمعة مايو 22, 2009 2:07 pm
