على راسي اعتني بيتك واجيلك
لأن بس انته أحترمك واجلك
حسنك منوجد بهلك وجيلك
وعبرته ليوسف بحسنك شوية
إلك بس انته هل دمعي والك صاب
والك ساس بوسط روحي والك صب
سهم هجرك دخل گلبي ولك صاب
دليلي وصار طشارة بدية
بغيابك تيهت صومي والامساك
وصباحك مايكفيني ولامساك
ألف هنيالي اذا شمك ولمساك
واطفي بشمتك نار اللي بيه
يجزعك لاتظن گلبي ويملاك
وجمالك منوجد مثله ويملاك
لون مال انجمع عندي ويملاك
وبدونك فلس مايسون إليه
أحلفنك تگلي الصدگـ بالله
منو مثلي بچه والثوب بالله
فراگك زيدالي الطين بله
وفوگـ اهموم حط اهموم بيه
تدري اشگد الك گلبي ولع ظام
زغار اجروحي يهونك والعظام
أموتن واندفن واعتگ والعظام
يزحفلك زحف لو صحت اليه