قصيدة وينك يا وطن

وينك يا وطن متعوبه دنياي
ودنيه بلا وطن جا شلي بيها

عمية العين صارة والدمع مصلوب
وعلى اركاب الزلم ناحت بواجيها

تضل اليا وكت بسم الحضارات
تحمي وتربتك ضاعت سواجيها

شوف الناس تاكل ونت جوعان
واولادك جذب محد يناديــــــــها

كبل جان اعلى حدك من يدانيه
يدك حتى النخل بضلوع دا نيها

شو هسه النخل صاير جثث عالكاع
وحدودك درب للباكنه شبيـــــــــــها

بغدادك تصيح وياهو كال اصار
ومنهو البحزن قرر يواسيـــها

شفته بعيني تبجي وتلطم اعله الراح
ومن روس الجثث صاغت تراجــيها

نزف حتى الجبل دم ومرار وضيم
وحنه بلا كلب نضحك نلاكــــــيها

عمي انطيني سلتي من العنب مليت
ما الوح العنب خل استر اعلــــــيها

بعنه اثيابنه وما فزعت الناس
جا هسه نريد الناس تملــــيها


تحياتي
الكـــــــابتن