اريد اغفه اعله شفتك بوسه خدرانه

زائر

انته اول عشكَ..
فك باب كَلبي وفات..
ذب ثوب الحزن من لون ضحكاتي..
وانته اول درب..
حسيته يكَدر يختصر..
جهدي ومسافاتي ..
قريب بعيني اشوفك..تللزم بالايد..
ومن انوي عليك بمستاحي اعثر..
واحسك مدري ليش..
اتصير مني ابعيد..حيل ابعيد..
وانته اباب خطواتي ..
اشوفك ورد جوري ..
وعطر خدك ماي ..وتصير الروح فراشه
وتظل اترفرف بذاتي...
انكسر كل حاجز اكَبالي..
وتشظه الخوف..
من سيرن نضراتك نثايه الحظن نظراتي..
حسيتك وطن لحظتها وتعنيت..
اعيشن بيك..
وبني بطين حسنك..
كل حضاراتي..
يالشايل حسن بغداد سد الباب..
اخاف اعليك من هولاكو اذا شافك..
يجي يغزيك..
يهدم حبنا اذا يغزيك..
وينهب كل جمال البيك..
ويذبح كل قوانيني على عتبة مسلاتي..
كل صفنه سفينه بلليل تبحر بيك..
يتلكَاهه روج بعينه شايل خوف..
يدفع جان ضهر الروج ..
جف ريح اليضدوني..
وكَلت ما خاف..
مادام العشكَ ملاح ..
وانته اشراع صفناتي..
ولك ياما دلالك داس بعيوني..
وكَمت ماشوف..
كَلت عيوني تعبانات..
ما كَلت السبب منك..
وياما خلو السيف بركَبتي ..
وكَلت احبنك..
ومن كَد ما احبنك..صرت مجنون..
ابوس من امشي اضل بالناس ..
لأن بوجوه كل الناس اشوفنك..
ومن كَد ما احبنك..
رسمتك على شفافي شفاه..
حته شما احرك اشفاي ابوسنك..
احبنك يمن شلت اعله ضهرك..
ثكَل دمعاتي..
اريد اغفه اعله شفتك بوسه خدرانه..
وعلى حضنك ..
افك احزام نزواتي..
دخلت العالمك تعبان..
اريد ارتاح..
واخلص من معاناتي...
يااول عشكَ فك باب..
كَلبي وفات..
ذب ثوب الحزن من لون..
ضحكاتي

ومن كَد ما احبنك..صرت مجنون..
ابوس من امشي اضل بالناس ..
لأن بوجوه كل الناس اشوفنك..

كلمات رووعه

زائر

مشكور برنسووو على الرد

ومرورك هو الروعة

تحياتي

» شفتك ""شفتك""تعال
» من ١ الى ٥ واعطي بوسه لاي عضو
» ما اصعب كتمان الحب
» اريد ترحيب توب
» اريد احجي بجرح